TIGblogs TIG | TIGblogs GROUP TIGBLOGS LOGIN SIGNUP
shams habib's Blog
shams habib's Blog
كشف حساب




لما مسكت القلم


أتهزت جوه قلبي الحاجات

كل الدروب اتقفلت

مبقتش في الدنيا حاجات

الا وجواها لحظة ندم



النقطة ورا النقطة

وسبقاها كلام

كلام بيرسم حزن

كلام بيرسم فرح

وبين الكلام والنقط

واقف انا وحيران



هي البداية نهاية

ولا النهاية ركام



هي الحياة جوايا

ولا انا جوايا حطام



ملقتش غير كلمة وكلمة

ونقطة و فاصلة

وما بينهم لحظة ندم

شايله على قلبها أه

زي الآهات اللى ياما

قولتها انا زمان



وقلم ممسوك

سايب كده ممشوق

عمال يشخبط

فاكرلى نفسه حكم

شايف نفسه انسان



بيقولي فوق يا بجم

كفياك يا سيد الأقوام



الدنيا هربت منك

ودروبك مقفوله

بالضبة والمفتاح



بص للى يوم

كان ايدو فوق كتفك

كان همه هو فرحك

لما تكون زعلان



وجعنى أووى

ونمت ع الورقة

نمت ع الكلام

اللى مابينه نقط

وفصلة وأحزان



كان البكا ساير على خدي

حتى لو كابرت

لو قولت ما ابكي

كان البكا عنوان



اد ايه يا قلمى راح اشرح

وانت الرفيق

وعليك يا قلمي الكدب ما يفرح



كنت يوم انا انسان

كنت سايب روحي

تجري ورا دخان

ورا اوهام



انا مسعتد

اه مستعد



للحساب انا مستعد



للجمع والطرح والقسمة والضرب على دماغي



اصلى انا فى الاصل

كان لازم اكون انسان



اكتب

اوجع قلبي

عمرك يا قلمي

ما يوم كنت انت السجان

November 1, 2009 | 11:11 AM Comments  0 comments

Tags:
You must be logged in to add tags.


shams habib's Profile

shams habib's Friends


Latest Posts
يانور قلبي...
كشف حساب
رسالة اليك
سهرة مع...
مصادرة...

Monthly Archive
March 2007
April 2007
May 2007
June 2007
July 2007
August 2007
November 2007
January 2008
August 2008
September 2008
November 2009
July 2010

Change Language


Tags Archive
add أدب تاريخ تصاميم تنويه رأي سياسة شباب متنوع

Friends
eyesthemoon014


19080 views
Important Disclaimer